«ԱրմենՏել» ընկերության (ապրանքանիշը Beeline) նախաձեռնությամբ Հայաստանում բացվեց կապի առաջին թանգարանը, որը գտնվում է ք. Երևանում` Ազատության պողոտայի 24/1 հասցեում: 

Հայաստանում կապի թանգարանի բացման կապակցությամբ  ք. Երևանի բնակիչներին տեղեկացնելու նպատակով Հյուսիսային պողոտայում կազմակերպվել էր միջոցառում/ցուցահանդես: Beeline գրասենյակի մոտակայքում տեղադրվել էին տաղավարներ բեմական տեսարաններով, որոնցից յուրաքանչյուրը ներկայացնում էր  հեռախոսային կապի զարգացման մի ժամանակաշրջան:

Կապի թանգարանում ներկայացված են  հեռախոսային կապի և «ԱրմենՏել» ընկերության զարգացման պատմությանը վերաբերող նյութեր, ինչպես նաև երկրում ներդրված կապի ժամանակակից տեխնոլոգիաների ցուցանմուշներ: Թանգարանում ներկայացված ցուցանմուշները հնարավորություն են ընձեռում այցելուներին ծանոթանալ Հայաստանում հեռահաղորդակցության տեխնոլոգիաների զարգացման պատմության հետ, ինչպես նաև իմանալ աղետի գոտում  կապի վերականգնման գործընթացում հայ կապավորների ունեցած ներդրումների մասին: 

Մոտ ապագայում «ԱրմենՏել» ընկերությունը ծրագրում է բացել  թեմատիկ գրադարան, ինպես նաև կազմակերպել անվճար այցելություններ դպրոցականների և ուսանողների համար: